મો…..ટી મુરખ પેટી

ગઈ કાલે પાછી બીજી ઉપાધી આવી ને પડી, મારાઘર માં મોટી મુરખ પેટી ( બિગ ટીવી ) ની ઉપગ્રહ પ્રસારણ જીલવાની તાસક ( ડીશ ) લગાવેલી છે. તેમાં તેનુ પોષણ ( રીચાર્જ ) પૂરુ થઈ ગયું, એટલે મે  શરાફી પેઢી માં થી જગત જોડાણ જાળ ( ઓનલાઈન નેટ બેંકીંગ ) વડે તાસક ને પોષણ પૂરુ પાડ્યું, પણ મારુ નસિબ ઘણૂં આગળ તે પોષણ ૨૪ કલાક થવા આવ્યા છતાં  હજુ સુધી તાસક માં પહોચ્યું નથી. અને મારી શરાફી પેઢી ( બેંક ) એ તરત જ મારા ખાતા માં એટલા રુપિયા કાપી લીધા છે.એટલે ગઈ કાલે સાંજે તાસક ની પેઢી માં સંપર્ક કર્યો. ખાસ્સી ૧૦/૧૨ મિનિટ રાહ જોવડાવ્યા પછી મારા ડબલા ( ભારત માં લેન્ડ લાઈન ફોન ડબલા તરીકે વધારે ઓળખાય છે  ) દ્વારા સંપર્ક સ્થાપિત થયો.   બહુજ શિષ્ટ ભાષા માં મને કહેવામાં આવ્યુ કે અમારા ગણકયંત્રો ( કોમ્પ્યુટર ) બહુજ ધીમા ચાલે છે ( અહિયા સાલુ એ વિચાર આવે છે કે કોલ સેન્ટર માં હજી પી૩ કોમ્પ્યુટર વપરાતા હશે ? ) એટલે અત્યારે કોઈજ માહીતિ આપી શકીયે તેમ નથી, ફરીથી તમે દુકાનદાર પાસે જઈ ને પોષણ પૂરુ પાડો તો તરત ચાલુ થઈ જાય….!!! ( એટલે આપણે તો બીજા પૈસા ખરચવા ના પેલા ગયા તેનુ કાંઈ નહી…!!! )   ફરી આજે સવારે મેં સંપર્ક કર્યો તો  તેમણે મારી આજીજી ( રીક્વેશ્ટ ) નોંધ લખી. ( સાલુ આપણે પૈસા આપી ને પણ પાછી આજીજી કરવાની ફરીયાદ તો નહી પાછી, કે ભાઇસા’બ મારુ ચાલુ કર… ) પણ ક્યારે ચાલુ થશે તેનુ કાંઈ નહી અને પાછી એજ વાત ફરીથી  પોષણ નાખો….!!!!