હાર જીત

ઉત્તર પ્રદેશમાં સાયકલ સામે પંજો ચુંટણી હારી ગયા પછી તેની દાઝ પ્રણવ દા એ સાયકલના ભાવ વધારીને કાઢી ( મેડમના કહેવાથી )
સાયકલ ફેરવવા જેવડો બાબો હવે  સાયકલથી પણ બીવા માંડ્યો છે.
ધારણા મુજબ બઝેટ નક્કામું રહ્યું.
ચાલુ બઝેટે સચિને સદી ફટકારીને લોકોને ખુશ કરી દીધા.
આદત મુજબ અમુક ચેનલવાળાને સચિનનું શતક  માફક આવ્યું નહિ પણ શતકને  લીધે મેચ હાર્યા તેથી અપચો થઇ ગયો.
ફરી પાછી ભારત રત્ન સચિનને મળવોજ જોઈએ તેવી માંગણી ચાલુ થઇ ગઈ છે. ( દેશનું નામ બોળે તેવા રાજકારણીઓને અપાય પણ દેશનું નામ રોશન કરે તેને નહિ …!!! )
બોમ્બ ધડાકાનો  જેના પર આરોપ છે તેવો સાબરમતી જેલમાં બેઠેલો આરોપી હવે દિલ્હી કોર્પોરેશનની ચુંટણી લડવાની તૈયારી કરી રહ્યો છે.
આવી બધી બાબતોમાં ભારત હંમેશા મહાન છે.

શેખચલ્લીના તુક્કા

એસ.ટી.ડી. પી. સી. ઓ. માટે  પોલીસ કમિશ્નરશ્રીના જાહેર નામાના તુક્કા
– સીસી કેમેરો મૂકવો પડશે
( કેટલાનો આવે ? તેની સામે આવક કેટલી ?)

– કેમેરાનું ૩૦ દિવસનું રેકોર્ડિંગ રાખવું પડશે.

( રેકોર્ડીંગ માટે પૈસા ખર્ચી ને વ્યવસ્થા કરવાની )

– કોણે ફોન કર્યો તેની વિગતો સાથેનું રજીસ્ટર નિભાવવું પડશે

( દુકાનદાર બીજો ધંધો મુકીને એક રૂપિયાના કોલ માટે રજીસ્ટરમાં લખવા બેસશે )

– ફોન કરનાર પાસે ફોટો સાથેની ઓળખનો પુરાવો લેવો પડશે

( ફોન કરનારે ફોટો કોપી ખિસ્સામાં રાખવી પડશે )

– ફોન કરનારનો મોબાઈલ નંબર પણ નોંધવો પડશે

( ફોન કરનાર પાસે મોબાઈલ હોય તો ડબલામાં થોડો ફોન કરવા જવાનો હતો)
છેલ્લે ધમકી >> આ જાહેરનામાનો અમલ નહીં કરાય તો, તેવા પીસીઓ વાળા સામે કલમ ૧૮૮ પ્રમાણે ફોજદારી પગલાં ભરવામાં આવશે. જેની સંપૂર્ણ જવાબદારી પીસીઓધારકની રહેશે.!!!
( આનાકરતા સીધું કહી દ્યો ને કે ચાલો બધા પી.સી.ઓ. બંધ કરી દ્યો….!!! એટલે કોઈ ફોનજ ના કરે )

ભેળસેળ

અમદાવાદમાં અત્યારે ભેળસેળની મોસમ ચાલે છે. રોજ ક્યાંક ને ક્યાંક ઘી, તેલમાં ભેળસેળ કરવાના મોટા કારખાના પકડાય છે. અત્યાર સુધીમાં કેટલુય ભેળસેળવાળું ઘી ને તેલ અમદાવાદીઓએ  પેટમાં પધરાવી દીધું હશે. થોડા દિવસો સુધી આવી પકડા પકડીની રમત ચાલશે પછી બધું  ઠરીને ઠામ. (હજી સુધી અમદાવાદનું આરોગ્ય ખાતું મેદાનમાં નથી આવ્યું.કદાચ “કંઈક” શરમ અડતી હશે )
ખરેખર દરેક જગ્યાએ ગુજરાતે વિકાસ કર્યો છે તે દેખાઈ આવે છે . ખાવા “પીવા” ની બાબતમાં પણ.
ભેળવે ગુજરાત…..!!!

મામા ફોઈ ના સંતાનો પરણવા માંડે તો…?

આજના દિવ્ય ભાસ્કરમાં પ્રગટ થયેલ સમાચાર મુજબ અમરેલી જીલ્લાના બાબરા તાલુકાના ચમારડી ગામે એક  અનોખી ઘટના બની છે. એ ગામના લેઉવા પટેલ જ્ઞાતિના વસ્તરપરા પરિવાર દ્વારા બે વર્ષના બાળક-બાળકીના વેવિશાળ કરવામાં આવ્યા છે. એટલું જ નહીં સંબંધમાં આ બાળક-બાળકી મામા-ફઇના સંતાનો થાય છે. અત્રે નોંધનીય છે કે, અનેક જ્ઞાતિઓમાં મામા-ફોઇના પરિવારો વચ્ચે લગ્નસંબંધો બાંધવાનો રિવાજ છે. પણ લેઉવા પટેલ સમાજમાં એ સંબંધમાં લગ્નો નથી થતાં. ચમારડીના આ પરિવારે એક નવી પ્રથા શરૂ કરી અને સમગ્ર લેઉવા પટેલ સમાજને એ રિવાજ સ્વીકારવા આહવાન કર્યું છે.
*વૈજ્ઞાનીક દ્રષ્ટીએ જોઈએ તો આવા સંબંધો સ્વીકારવાની વિજ્ઞાન મનાઈ કરે છે. ( કોઈ જાણકાર આ બાબત વધારે પ્રકાશ પાડે ) 
*પરિવારને સમાજ સુધારવાનુ જ કામ કરવું હોય તો બીજા ઘણા રસ્તા છે.
*બીજી જ્ઞાતિ આવા રીવાજ સ્વીકારે છે એટલે આપણે પણ સ્વીકારવા જોઈએ તે બાબત પણ યોગ્ય નથી. 
*ખરેખર સમાજ ને સુધારવો જ હોય તો કોઈ સારા નવા રીવાજ ચાલુ કરવા જોઈએ.

અત્યારના સમયમાં વર-કન્યા પોતાને જોયા મળ્યા વગર લગ્ન કરવા રાજી થતા નથી તો આજથી ૧૫ વર્ષ પછી આ બાળકો માબાપે નક્કી કરેલા લગ્ન કરવા રાજી થશે તે પણ શંકા છે.મને તો આમાં પ્રસિદ્ધિ (ખોટો વિવાદ ઉભો કર્યા) સિવાય કઈ દેખાતું નથી.  

મોકાણ

મી.ભારત ને મેલબોર્નમાં એટેક આવ્યો એટલે તાત્કાલિક સારવાર અર્થે સિડનીમાં દાખલ કરવામાં આવ્યા હતા. ત્યાં જરૂરી સારવાર આપવા છતાં પરિસ્થિતિમાં કોઈજ ફેરફાર ના દેખાતા વધારે સારવાર માટે પર્થમાં દાખલ કરવામાં આવ્યા હતા. પરંતુ કોઈજ સારવાર અસરકારક  ના નીવડતા તેમનું પરલોક ગમન થયું હતું.  સદગતનું ઉઠમણું એડીલેડમાં રાખવામાં આવ્યું હતું. સદગત ના આત્માને શાંતિ મળે તે માટે કોઈ એ ક્રિકેટ વિષે કોઈ ચર્ચા ના કરવી….!!!

નવી નોટ આવી

રૂપિયાના ચિન્હ સાથે ૧૦૦ રૂપિયાની નવી નોટ હવે માર્કેટમાં ઉપલબ્ધ છે. એક જગ્યાએ ચિન્હ મુકવાનું સેટિંગ હજી બાકી છે. આશા રાખીએ કે નવી સીરીઝમાં ત્યાં પણ ચિન્હ આવી જાય.

દૂધ હવે સફેદ નથી રહ્યું

દૂધની ગંગા મેલી થઇ ગઈ છે. હવે દૂધ પીતા પહેલા વિચાર કરવો પડશે, કારણ કે દૂધ હવે ચોખ્ખું નથી રહ્યું. આપણા ગુજરાતમાં પણ ૮૯% દૂધ ભેળસેળવાળું મળે છે. આ કબુલાત આપણી સરકારી સંસ્થાની છે. દૂધના સેમ્પલ ચકાસતા તેમાં યુરીયા ફેટ અને યુરીયા જેવા હાનીકારક તત્વો ની હાજરી દેખાઈ આવી છે. આખા દેશમાંથી માત્ર ગોવા અને પોંડીચેરીમાં જ ૧૦૦% શુદ્ધ દૂધ મળે છે. તો હવે ગોવા  (દૂધ ) પીવા માટે જવું…!!!